Biografia
Jatorriz zuberotarra. Egun Baionan bizi da: Biologian, Filologia espainolean, Hezkuntza Jakintzetan lizentziatua, eta Euskal Ikasketetan Doktorea. Euskaltzain osoa da, 1988az gero; euskal idazlea hiru hizkuntzatan; Paueko Unibertsitateko irakasle katedraduna, orain emeritua. Orain ardura hauek dauzka:
- Euskal Herriko Garapen Kontseiluko zuzendaritzako kidea, Baionan
- Iparraldeko Eusko Ikaskuntzako administrazio kontseiluko kidea
- Euskararen Aholku Batzordeko kidea, Gasteizen
- Centre d’Etudes Basques de Bayonne eta Laboratoire Arc Atlantique de Pau delakoen kidea
Idazle ugaria da. Hogeita hamabi liburu euskaraz, hiru frantsesez, bat gaztelaniaz. Ikerketa mailan 3 lan frantsesez, (horietako bat UNEDk saritua Linguistika sailean), 3 gaztelaniaz (bat argitaratua) eta euskaraz 20 (hiru zubereraz); literatura sailean, 20 liburu, eleberri, ipuin, olerki eta antzerkien artean. Ikerketa artikuluak, berriz, 189 ditu, eta kazetaritzakoak 20.
